Admin
Admin
عدد المساهمات : 631
تاريخ التسجيل : 01/12/2009
 | موضوع: التطنيش عن رد الدين  الجمعة مايو 25, 2012 11:25 am | |
|
تعودنا نرصد مجتمعنا الديري من نواحي كثيرة بعاداتو و تقاليدو و فضائلو و خصوصياتو ..
بس انو ما انتبهنا انو نرصد عاداتو الجييفة ( السيئة ) كونو هو مثل اي
مجتمع لابد و يتميز بعادات سيئة ( مو أسعتين ينطلي واحد و يقللي لا ما بيه )
لا يا سيدي ديرنا مليان و كللو عادات جيفة و طبعا هذا الشي طبيعي بأي
مجتمع ...
و أول عادة جيفة بدنا نناقشها هي عادة التطنيش عن رد الدين
يعني بهالزمن تجرم و يصير عندك شفقة و تدين حدا ....
شي يجيك حمود بدو تسجيل جامعة و خطية ما عندو و بدك تدينو تما تروح عليه السنة ...
شي ينطلك ابو جاسم بدو يكمل عمارتو ( الملحق ) و يسقف و الشتوية قربت و عجاوينو زغار ما يحملون برد ...
و فتاح عوز شوية مصاري مشان جيزتو و اهل البنية صرعو راسو بما انو ضل خيطب المخلوقة ثلث سنين ..
و أبو الريم مرتو حردانة لانو مسكنها ببيت اهلو و كل يوم كونات هي و سلفتها و يريد ينقل و مفلس ...
و شي يوعدك عالراتب و شي تايقبض الجمعية و شي بس لبين ما بعثلو أخوه مصاري من السعودية
لحد هون ..... علعيني و راسي!!
بس راح تبلش معاناة من وقت تسمع انو حمود راحت عليه السنة و ما سجل و أب
جاسم ما كمل عمارة و راح دفع المصاري قسط تكسي سابا و فتاح صرفها علطلعات
المي و الجراديق و أبو الريم راح أخذ مرة ثانية و تعا حصل المصاري اذنك
زلمة ...
( و الله اقساط السابا ذبحتني .... و الله عمي وعدني
بالوظيفة و بلجي بهالجم يوم تجي موافقة الوزير و عند اول راتب أعمل جمعية و
اعطيكياها .. ... و الله مدري شكون اقلك تكاونا انا و المعلم و تركت الشغل
.. الخ)
و اليقهرك اكثر انو مايرد عالموبايل و وقت يشوفك يطنش و
يعمللك حالو مو شايفك و اذا لقطتو بالسربيس يحلف مية يمين الا يدفع عنك
الخمس ليرات ووقت تجيب سيرة المصاري يبلش أسئلة تا يطمن عالحجي و صحتو و
اخوتك و دراستهم
بالأخير وقت تعتاز المصاري ما تليقي حالك غير برا عد الباب قاعد عالدجة تدخن سيكارة
و تلعن ابو الدين و ابو الساعة الدينت بيها هيجذ عالم ....
وبالتأكيد هالشي مو بس بديرنا ..
وهاي مشكلة عامة بكل المجتمعات ..
===================
Amjad Abdulla | |
|
